Tamil (Sri Lanka)English (United Kingdom)
ඔබ මෙතනයි:  මුල් පිටුව නැවුම් පුවත්…
නැවුම් පුවත්…

විශේෂ තාරකා විද්‍යා දේශනයක්

ඊ-තැපැල මුද්‍රණය පී.ඩී.එෆ් (PDF)

බ්‍රිතාන්‍යයේ කේම්බ්‍රිජ් සරසවියේ සේවය කළ ආචාර්ය එලීනා ට(ර්)ලෙවිච් මහත්මිය විසින් “තරුවක උපත සහ විශ්වයේ එදා සිට අද දක්වා මූලද්‍රව්‍ය වල විකාශනය” යන මැයෙන් විශේෂ තාරකා විද්‍යා දේශනයක් ඉංග්‍රීසි මාධ්‍යයෙන් 2017 ජුලි මස 15 (සෙනසුරාදා) දින ප.ව. 6.00 සිට  ප.ව.7.30 දක්වා ශ්‍රී ලංකා ග්‍රහලෝකාගාරයේ දී පවත්වනු ලැබේ.

ඒ සඳහා තාරකා විද්‍යාවට ලැදි ඕනෑම අයෙකුට සහභාගී විය හැක.

මේ පිළිබඳව ඔබට වැඩිදුර විස්තර දැනගැනීමට අවශ්‍ය නම් 077 – 2723283 (නාලක අබේසේකර) යන දුරකථන අංකය හා සම්බන්ධ වන්න.


අවසන් යාවත්කාලීන කිරීම 2017 ජූලි 13 වෙනි බ්‍රහස්පතින්දා, 05:18
 

සිඟිති තරු

ඊ-තැපැල මුද්‍රණය පී.ඩී.එෆ් (PDF)

සිඟිති තරු තාරකා විද්‍යා වැඩසටහන :

ශ්‍රී ලංකා ග්‍රහලෝකාගාරය මගින් වයස අවුරුදු 5 සිට 10 දක්වා වූ දරු දැරියන්ගේ තාරකා විද්‍යාවට ඇති ඇල්ම වැඩිදියුණු කිරීමේ අරමුණින් පවත්වනු ලබන සිඟිති තරු තාරකා විද්‍යා වැඩසටහනේ දෙවන බඳවාගැනීම සඳහා දැන් අයදුම්පත් කැඳවනු ලැබේ.

ආරම්භක දිනය      : 2017.02.11
වේලාව               : පෙ.ව. 10.00 - ප.ව. 12.00
ස්ථානය              : ශ්‍රී ලංකා ග්‍රහලෝකාගාරය    

මෙම වැඩසටහනට සම්බන්ධවීම සඳහා අයදුම්පත් මෙතැනින් බාගතකිරීමට හෝ ග්‍රහලෝකාගාර කාර්යාලයෙන් ලබාගැනීමට පුළුවන.   

නිසි පරිදි පුරවන ලද අයදුම්පත් 2017.02.09 වන දිනට හෝ ඊට ප්‍රථම ග්‍රහලෝකාගාරය වෙත ගෙනවිත් බාරදිය යුතුය.

තෝරාගත් දරුවන් වෙත දුරකථනයෙන් දැනුම් දෙනු ලැබේ.

මෙම වැඩසටහන සෑම සෙනසුරාදා දිනකම ඉහත සඳහන් වේලාවට පැවැත්වෙන අතර මේ සඳහා කිසිදු අයකිරීමක් නොමැත. වැඩසටහන සඳහා බඳවා ගන්නා උපරිම දරු දැරියන් සංඛ්‍යාව 20 ක් බව කරුණාවෙන් සලකන්න.

සිඟිති තරු තාරකා විද්‍යා වැඩසටහන පිළිබඳ වැඩිදුර විමසීම් සඳහා 011 - 2586499 හෝ 077 - 2723283 යන දුරකථන අංක හා සම්බන්ධ වන්න.

ශ්‍රී ලංකා ග්‍රහලෝකාගාරය

අවසන් යාවත්කාලීන කිරීම 2017 පෙබරවාරි 01 වෙනි බදාදා, 07:55
 

මාසික රාත්‍රී අහස නිරීක්ෂණ කඳවුරු

ඊ-තැපැල මුද්‍රණය පී.ඩී.එෆ් (PDF)

2017 ජූනි 30 දින රාත්‍රී අහස නිරීක්ෂණ කඳවුරක් :

ශ්‍රී ලංකා ග්‍රහලෝකාගාරය මඟින් මහජනතාවගේ තාරකා විද්‍යා දැනුම වර්ධනය කිරීම උදෙසා පවත්වනු ලබන රාත්‍රී අහස නිරීක්ෂණ කඳවුරු මාලාවේ මීළඟ කඳවුර 2017 ජුනි මස 30 වන සිකුරාදා දින පැවැත්වීමට කටයුතු සලසා ඇත. මෙම රාත්‍රී අහස නිරීක්ෂණ කඳවුර ශ්‍රී ලංකා ග්‍රහලෝකාගාර භූමියෙහි ප.ව. 7.00 සිට ප.ව. 10.00 දක්වා පොදු මහජනතාව වෙනුවෙන් නොමිලේ පවත්වනු ලැබේ.

එදින අහස වළාකුළු සහිත වුවහොත් හෝ කාලගුණ තත්වය අයහපත් වුවහොත් වැඩසටහන අවලංගු විය හැකි බව කරුණාවෙන් සලකන්න. එබැවින් ඔබ මෙම වැඩසටහනට සහභාගීවීමට අපේක්ෂා කරන්නෙකු නම් එදින ප.ව. 5.00 න් පසු පහත සඳහන් දුරකථන අංක වලින් ග්‍රහලෝකාගාරය අමතා කඳවුර පැවැත්වෙන බව තහවුරු කරගන්න.

මෙම වැඩසටහන පිළිබඳ වැඩිදුර විස්තර දැනගැනීමට අවශ්‍ය නම් 011 – 2586499 හෝ 077 – 2723283 යන දුරකථන හා සම්බන්ධ වන්න.

අවසන් යාවත්කාලීන කිරීම 2017 ජූනි 22 වෙනි බ්‍රහස්පතින්දා, 05:48
 



මුල් පිටුවඅපගේ ග්‍රහලෝකාගාරයබාගතකිරීම්මාර්ගගත සංවාද කවුළුවවිම්සීම්පිටු පෙළගැස්ම